দেবীক্ষমাপণ স্তোত্রম Devi Kshamapana Stotram

শ্রীগণেশায় নমঃ ।

অপরাধসহস্রাণি ক্রিয়ন্তেঽহর্নিশং ময়া ।

দাসোঽয়মিতি মাং মত্ত্বা ক্ষমস্ব পরমেশ্বরি ॥ ১॥

আবাহনং ন জানামি ন জানামি বিসর্জনম্ ।

পূজাং চৈব ন জানামি ক্ষম্যতাং পরমেশ্বরি ॥ ২॥

মন্ত্রহীনং ক্রিয়াহীনং ভক্তিহীনং সুরেশ্বরি ।

যৎপূজিতং ময়া দেবি পরিপূর্ণং তদস্তু মে ॥ ৩॥

অপরাধশতং কৃত্বা জগদম্বেতি চোচ্চরেৎ ।

যাং গতিং সমবাপ্নোতি ন তাং ব্রহ্মাদয়ঃ সুরাঃ ॥ ৪॥

সাপরাধোঽস্মি শরণং প্রাপ্তস্ত্বাং জগদম্বিকে ।

ইদানীমনুকম্প্যোঽহং যথেচ্ছসি তথা কুরু ॥ ৫॥

অজ্ঞানাদ্বিস্মৃতের্ভ্রান্ত্যা যন্ন্যূনমধিকং কৃতম্ ।

তৎসর্বং ক্ষম্যতাং দেবি প্রসীদ পরমেশ্বরি ॥ ৬॥

কামেশ্বরি জগন্মাতঃ সচ্চিদানন্দবিগ্রহে ।

গৃহাণার্চামিমাং প্রীত্যা প্রসীদ পরমেশ্বরি ॥ ৭॥

গুহ্যাতিগুহ্যগোপ্ত্রী ত্বং গৃহাণাস্মৎকৃতং জপম্ ।

সিদ্ধির্ভবতু মে দেবি ত্বপ্রসাদাৎসুরেশ্বরি ॥ ৮॥

॥ ইতি দেবীক্ষমাপণস্তোত্রং সম্পূর্ণম্ ॥

আরো জানতে এখানে ক্লিক করুন: Shreemad Bhagawat Geeta in Hindi ,   सम्पूर्ण श्रीमद भागवत गीता – Shrimad Bhagwat Geeta in Hindi,   শ্রীতুলসী আরতি ,   বাংলা অর্থসহ শিবতান্ডব স্তোত্রম ,   শ্রী গুরু বন্দনা,   শ্রীমদ্‌ভগবদ্‌ গীতা,   মহিষাসুরমর্দিনী স্ত্রোত্র

💐💐💐💐💐